Azərbaycan, Bakı / Trend müxbir İ.Xəlilova / Sentyabrın ortalarına qədər Beynəlxalq Valyuta Fondu (BVF) Azərbaycandakı nümayəndəliyinin rəhbəri vəzifəsinə namizədlərin seçimi prosesini başa çatdıracaq, bazar ertəsi BVF-in Bakı ofisindən verilən məlumatda belə deyilir. Vakansiya üzrə seçim iyunun 25-də elan olunub, adətən müvafiq proses üç ay çəkir. Optimist proqnozlara görə, ölkə üzrə yeni menecer fəaliyyətə oktyabrdan gec olmayaraq başlayacaq.
Nümayəndəliyin keçmiş rəhbəri Bazel Zavoykonun səlahiyyət müddəti iyun ayında bitib.
Bu vəzifəni o dörd il idi ki tuturdu, lakin menecerlər vəzifə müddətini daha bir il də uzatmaq imkanı ilə iki il müddətinə təyin olunur. Lakin istisna olaraq Zavoyko bu vəzifəni dördüncü il də icra edib. Bu Azərbaycan üçün ilk belə təcrübə deyil, belə ki, keçmiş menecer də vəzifəsini dörd il icra edib.
Lakin indi BVF siyasətini dəyişib və nümayənldəliyin rəhbərləri üç illik müddət üçün təyin olunurlar və onlar dördücü il üçün vəzifə müddətlərini uzada bilərlər.
BVF-nin Azərbyacandakı nümayəndəliyi artıq 14 ildir ki fəaliyyət göstərir (1993-cü ildən bəri), lakin hökumətlə əməkdaşlıq 1992-ci ildə başlayıb. Ölkənin kreditlşməsinə beynəlxalq təşkilat 1995-ci ildə başlayıb. Bu günə qədər BVF Azərbaycana altı proqram çərçivəsində kredit ayırıb, lakin 2005-ci ildən BVF ilə əməkdaşlıq məsləhətləşmələr səviyyəsində davam edir, belə ki, Azərbaycan hökuməti fondun kreditlərini almaqdan imtina edib.
