...

Əqli mülkiyyət sisteminin ÜTT tələblərinə uyğunlaşdırılması ilə bağlı İsveçrənin Azərbaycana texniki yardımının istiqamətləri müəyyənləşdirilib

Biznes və iqtisadiyyat xəbərləri Materials 23 Avqust 2007 11:19 (UTC +04:00)

Azərbaycan, Bakı / Trend , müxbir İ.Xəlilova / İsveçrə hökuməti 2008-ci ilin əvvəlindən Azərbaycanda əqli mülkiyyət sisteminin Ümumdünya Ticarət Təşkilatının (ÜTT) tələblərinə uyğunlaşdırılması məqsədilə texniki yardıma başlayacaq. Bu barədə Xarici İşlər Nazirliyindən məlumat veriblər.

"2007-ci ilədək danışıqlar yekunlaşacaq və texniki yardım haqda saziş layihəsi imzalanacaq" - deyə nazirlikdən bildiriblər. Yardım İsveçrənin iqtisadi məsələlər üzrə Dövlət Katibliyi (Seco) tərəfindən təqdim olunacaq. Bu qurumla artıq layihənin məqsədləri müəyyənləşdirilib, lakin qranıt məbləği dəqiqləşdirilir.

İlk növbədə layihə əqli mülkiyyət (müəllif və industrial mülkiyyət-patent, ticarət nişanları) hüquqlarının qorunmasının təminatını və ona riayət olunmasını nəzərdə tutur. Layihə eyni zamanda bu sahədəki milli qanunvericiliyin, sərhəddə kontrafakt malların üzə çıxarılmasına dair prosedurların, məsuliyyətə cəlb olunma və saxlanılmanın ÜTT tələblərinə uyğunlaşdırılmasını planlaşdırır. Hüquqların qorunması üçün Cinayət və Mülki Məcəlləyə dəyişikliklərin edilməsi tələb olunur.

Bu layihəyə Müəllif Hüquqları Agentliyi, Standartlaşdırma, Patent və Metrologiya üzrə Dövlət Agentliyi və Dövlət Gömrük Komitəsi cəlb ediləcək.

Xəbər lenti

Xəbər lenti