Gürcüstan, Tbilisi, 04 dekabr/ Trend , müxbir N.Kirtsxaliya/ "Ermənistan Azərbaycanın ərazilərini işğal altında saxladıqca, Azərbaycan qazının satışı və Azərbaycandan keçən qazın satışı üzrə layihələrin realizəsində iştirak edə bilməyəcək", - Azərbaycanın Baş naziri Artur Rasizadə cümə axşamı Tbilisidə Gürcüstan - Azərbaycan hökumətlərarası komissiyasının iclası başa çatdıqdan sonra bildirib. Baş nazir Azərbaycanın öz qazını Ermənistan vasitəsilə Avropaya ixracı mümkünlüyünə dair suala cavab verərkən belə deyib. Bu layihə "Nabukko" layihəsinin həyata keçirilməsi perspektivində Ermənistanın müəyyən dairələrində fəal müzakirə edilir.
"Biz artıq hasil etdiyimiz qazın nəqli üçün bütün tranzit yollarını müəyyən etmişik" , - Rasizadə bildirib.
"Nabukko" Avropanın Xəzər regionundan hasil edilən qazla təmin edilməsi üzrə regional layihədir. Bu yol Azərbaycan, Gürcüstandan keçməli və Avropayadək davam etməlidir.
Müəlliflə əlaqə saxlamaq üçün elektron ünvan: [email protected]