Azərbaycan, Bakı, 3 dekabr /Trend/
ARDNŞ (Azərbaycan Respublikası Dövlət Neft Şirkəti) şirkətin balansında olan Qalmaz yeraltı qaz anbarı ərazisində iki quyunun qazılmasını başa çatdırıb. Bu barədə ARDNŞ-nin cümə günü yaydığı məlumatda deyilir.
Hər iki quyu ikinci üfüqi məhsuldar layda qazılıb. Quyulardan birinin dərinliyi 1770 metr, ikinicinin dərinliyi isə 1840 metrdir. Quyular ARDNŞ-nin qaz proqramına uyğun olaraq "Qalmaz" yeraltı qaz anbarının genişləndirilməsi və modernləşdirilməsi çərçivəsində qazılıb. Eləcə də hazırda qaz anbarında quyuların modernləşdirilməsi və sayının artırılması üzrə işlər də görülür.
Məlumatda deyildiyi kimi, qaz anbarının istismar fondunda 109 quyu var, onlardan 99-u işçi fonddadır, dörd quyuda əsaslı təmir aparılır, üçündən istifadə olunur, yerdə qalan üçündə isə təmir aparılacağı gözlənilir.
Hazırda respublikada iki yeraltı qaz anbarı - "Qaradağ" və "Qalmaz" fəaliyyət göstərir.
Ötən il ARDNŞ yeraltı qaz anbarlarına 2008-ci ildəki 1,4 milyard kubmetrə nisbətdə 2 milyard kubmetr qaz vurmuşdu.