Azərbaycan, Bakı, 14 dekabr /Trend, müxbir E.İsmayılov/
Yanvar-noyabr aylarında Rusiyanın Novorossiysk beynəlxalq dəniz limanı tərəfindən 38,4 milyon ton neft daşınıb. 2009-cu ilin yanvar-oktyabr aylarında bu göstərici 40,6 milyon tona yaxın təşkil edib. Bu barədə limanın rəsmi internet saytında yerləşdirilən məlumatda deyilir.
"Novorossiysk Dəniz Ticarət Limanı" ASC yanvar-noyabr aylarında 11,5 milyon tona yaxın neft məhsulları daşıyıb. 2009-cu ilin analoji dövründə bu göstərici 12 milyon ton təşkil edib.
Ümumilikdə yanvar-noyabr aylarında liman tərəfindən 74,56 milyon tona yaxın müxtəlif yüklər daşınıb. 2009-cu lin analoji dövründə bu göstərici 78,8 milyon tona yaxın təşkil edib.
ARDNŞ Novorossiysk limanı vasitəsilə şəxsi neftinin daşınmasını həyata keçirir. Yanvar-noyabr aylarında ARDNŞ Bakı-Novorossiysk boru kəməri üzrə 2,07 milyon ton neft ixrac edib. Bu göstərici 2009-cu ilin analoji dövründə 2,34 milyon ton təşkil edib. Noyabrda Novorossiysk limanından 294 min tona yaxın neft ixrac olunub. Bu göstərici 2009-cu ilin eyni dövründə 239 min ton təşkil edib.
ARDNŞ 2009-cu ildə Bakı-Novorossiysk boru kəməri ilə 2,5 milyon tona yaxın neft ixrac edib. 2008-ci ildə bu göstərici 1,2 milyon ton olub. 2007-ci ildə bu marşrut üzrə 1,2 milyon ton neft ixrac olunub ki, bu da 2006-cı ilin analoji dövrü ilə eynidir. 2005-ci ildə Bakı-Novorossiysk vasitəsilə ixrac 1,6 milyon ton neft təşkil edib.
Novorossiysk Qara dəniz ticarət limanının yükdaşımaları üzrə ümumi cədvəl:
|
Yanvar-noyabr, 2010 |
Yanvar-noyabr, 2009 |
Fərq |
||
|
Min ton |
Min ton |
%-lə |
||
|
Ümumi yük dövriyyəsi |
74 562,7 |
78 802,9 |
-4 240,2 |
-5,4 |
|
Maye yüklər (cəmi) |
50 528,2 |
53 343,5 |
-2 815,4 |
-5,3 |
|
Xam neft |
38 411,5 |
40 586,8 |
-2 175,4 |
-5,4 |
|
Neft məhsulları |
11 516,8 |
11 993,2 |
-476,4 |
-4 |
