Azərbaycan, Bakı, 31 oktyabr /Trend, müxbir E.İsmayılov/
Azərbaycan Nazirlər Kabineti Alternativ və Bərpa Olunan Enerji Mənbələri üzrə Dövlət Agentliyinin Sumqayıtda günəş batareyalarının istehsalı üzrə yeni zavodun tikintisi və fəaliyyəti çərçivəsində avadanlıqların gətirilməsi üçün vergi güzəştlərinin tətbiqi və gömrük rüsumlarının aşağı salınması ilə bağlı təşəbbüsünü nəzərdən keçirir. Trend-in məlumatına görə, bu barədə bazar ertəsi jurnalistlərə Agentlik rəhbərinin müavini Cəmil Məlikov deyib.
"Bu təşəbbüsə hazırda ölkənin Nazirlər Kabineti tərəfindən baxılır", - Məlikov bildirilib.
Onun sözlərinə görə, hazırda mövcud proses rəylərin toplanması mərhələsindədir.
Hazırda yeni zavodun tikintisi çərçivəsində işlər davam etdirilir və artıq bu ilin dekabrında müəssisədə genişmiqyaslı istehsalın başlanması planlaşdırılır.
Məlikovun əvvəl dediyinə görə, zavodun illik istehsal gücü 30 meqavat elektrik enerjsi olan 120 min panel təşkil edəcək.
Zavodun tikintisinin əsas məqsədi günəş panellərinin qiymətini bazar səviyyəsindən aşağı salmaqdır. Belə olan təqdirdə onlar daha tez əldə ediləcək və alınacaq.
