Azərbaycan, Bakı, 8 oktyabr /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) ilin sonunadək Azərbaycanın şimalında iki yeni yanacaqdoldurma məntəqəsini (YDM) istismara verməyi planlaşdırır. Bu barədə bazar ertəsi Trend-də ARDNŞ-dəki mənbə məlumat verib.
Bu, Bakıdan kənarda SOCAR brendi altında fəaliyyət göstərəcək ilk yanacaqdoldurma məntəqələridir. Hər iki stansiya Siyəzən rayonunda yerləşəcək.
"İki yeni stansiyanın inşası davam etdirilir. Tikinti işlərini ilin sonunadək başa çatdırmaq üçün bütün lazımi işlər görülür", - mənbə qeyd edib.
Hazırda Azərbaycanda SOCAR brendi altında 14 YDM fəaliyyət göstərir.
