Azərbaycan, Bakı, 26 sentyabr /Trend, müxbir Emil İsmayılov/
2014-cü ilin yanvar-avqust aylarında Gürcüstan Azərbaycandan ümumi məbləği 158,55 milyon dollar həcmində 174,61 min ton neft və neft məhsulları idxal edib. Trend xəbər verir ki, bu barədə Gürcüstan Milli Statistika Xidmətinin məlumatında deyilir.
Hesabatda bildirilir ki, yanvar-avqust aylarında Azərbaycandan neft və neft məhsulları bu kateqoriyadan olan məhsulların Gürcüstana idxalının ümumi həcminin 26 faizini təşkil edib.
Hesabata görə, ilin əvvəlindən Gürcüstan ümumilikdə 611,08 milyon dollar məbləğində neft və neft məhsulları idxal edib.
İllik hesablamada Azərbaycandan idxal olunan təbii qazın həcmi dəyər ifadəsində 0,6 faiz (miqdar ifadəsində çatdırmalar 2,2 min ton neft ekvivalentində, yaxud 1,3 faiz) olub.
Müqayisə üçün: ötən ilin yanvar-avqustunda Gürcüstan Azərbaycandan ümumi məbləği 159,5 milyon dollar həcmində 172,4 min ton neft və neft məhsulları idxal edib.
2014-cü ilin yanvar-avqust aylarında Gürcüstan Azərbaycandan 396,58 milyon dollar məbləğində məhsul idxal edib. Hesabata görə, Azərbaycandan Gürcüstana idxalın həcmi il ərzində 4,5 faiz artıb. Müqayisə üçün: ötən ilin analoji dövründə Gürcüstan Azərbaycandan ümumi məbləği 379,68 milyon dollar həcmində mal idxal edib.