Bakı. Trend:
Azərbaycan Respublikası Dövlət Neft Fondunun (SOFAZ) "Azəri-Çıraq-Günəşli" (AÇG) yataqları blokundan 2023-cü ilin ilk doqquz ayı ərzində əldə etdiyi gəlir 2022-ci ilin analoji dövründəki 8,326 milyard dollarla müqayisədə 5,866 milyard dollar təşkil edib.
Trend bu barədə SOFAZ-a istinadən xəbər verir.
Beləliklə, SOFAZ-ın AÇG-dən əldə etdiyi gəlir illik hesablamada 29,5 faiz azalıb.
Qeyd edəl ki, layihənin operatoru olan bp şirkətinin son məlumatlarına əsasən, 2023-cü ilin üç rübü ərzində blokda hasilatın həcmi orta hesabla gündəlik təqribən 368 min barel olub. Ötən ilin analoji dövründə isə bu göstərici gündəlik təqribən 424 min barel olub.
Beləliklə, AÇG-də hasilatın həcmi illik hesablamada 11,96 faiz azalıb.
Üçüncü rübün sonunda 139 neft hasilat quyusu, 45 su injektor quyusu və 8 qaz injektor quyusu istismarda olub.
2023-cü ilin hesabat dövründə AÇG-də 6 neft hasilat quyusu, 4 su injektor quyusu və 1 qaz injektor quyusunun tikintisi başa çatıb.
AÇG-də iştirak payları aşağıdakı kimidir: bp (30,37%), SOCAR (25,0%), MOL (9,57%), İNPEKS (9,31%), Ekvinor (7,27%), EksonMobil (6,79%), TPAO (5,73%), İTOÇU (3,65%), ONGCVideş (2,31%).
(Tərcümə: Rəna Əbdürəhmanova)
X: @Lyaman_Zeyn