Bakı-Tiflis-Ceyhan boru kəmərinin istismara verilməsi ilə bağlı təntənəli rəsmi mərasimin 2006-cı ilin birinci yarısında keçirilməsi planlaşdırılır. Bu barədə Trend ə Türkiyənin Energetika və Təbii Sərvətlər Nazirliyinin mətbuat xidmətindən bildirilib.
"Dəqiq tarix hələ müəyyən olunmayıb. Ancaq biz mərasimin iyulun əvvəlində keçiriləcəyini nəzərdə tutmuşuq", - deyə mətbuat xidmətindən qeyd olunub.
Həmçinin, o da bildirilib ki, içərisində Azərbaycan neftinin olduğu birinci tankerin Ceyhan limanına 2007-ci il mayın 27-də yola salınması planlaşdırılır.
Hazırda BTC Co. boru kəmərini mayın 27-də istismara vermək üçün onun çəkilişi ilə bağlı işləri davam etdirir.
