...

MDB dövlətlərinin neftçi həmkarlar ittifaqlarının beynəlxalq konfederasiyasının baş katibi Azərbaycana gəlib

Energetika Materials 17 Avqust 2006 15:45 (UTC +04:00)

Dünən MDB dövlətlərinin neft, qaz sənayesi və neftqaz kompleksinin tikintisinin əməkdaşlarının həmkarlar ittifaqlarının beynəlxalq konfederasiyasının baş katibi Məlik Mirzəyev Azərbaycana gəlib. Bu barədə Trend ə Azərbaycanın neft və qaz sənayesi işçilərinin həmkarlar ittifaqlarının Respublika Komitəsindən (NQSİHİ RK) xəbər veriblər.

Səfər zamanı M.Mirzəyev NQSİHİ RK başçısı Cahangir Əliyevlə görüşəcək, onunla əməkdaşlığın inkişaf perspektivləri, noyabrda, komitələrin 10 illik yubileyi ilə bir vaxtda keçiriləcək tədbirlər, əməkdaşlıq haqqında sazişin hazırlıq vəziyyəti müzakirə olunacaq.

Konfederasiya 1992-ci ilin mart ayında Təsis Konqresində yaradılıb və 1995-ci ilin dekabrına qədər Suveren dövlətlərin neft, qaz sənayesi və tikinti işiçilərinin həmkarlar ittifaqlarının birliyi adını daşıyıb. Təsis Konqresində qəbul edilmiş Nizamnaməyə əsasən Birlik SSRİ-nin sahə həmkarlar ittifaqının Mərkəzi Şurasının davamçısı oldu. 1995-ci ilin dekabr ayında II Konqres Suveren dövlətlərin neft, qaz sənayesi və tikinti işiçilərinin həmkarlar ittifaqlarının birliyinin Neft, qaz sənayesi və neftqaz kompleksinin tikintisinin əməkdaşlarının həmkarlar ittifaqlarının beynəlxalq konfederasiyasına dəyişməsi haqqında qərar qəbul edib. Öz növbəsində, təşkilatın üzvləri Ukrayna, Rusiya, Belorusiya, Qazaxıstan, Ukrayna, Gürcüstan və b. ölkələrin qurumlarıdır. Azərbaycan 1992-ci ildən etibarən konfederasiyanın üzvüdür.

Xəbər lenti

Xəbər lenti