"Distributed Energy Systems Corp."un bölməsi olan "Northern Power" şirkəti BTC Co boru kəməri şirkəti ilə Gürcüstanın Kodian vilayətində Bakı-Tbilisi-Ceyhan boru kəməri boyu qəza tullantıları sistemində güc qurğularının quraşdırılması üzrə müqavilə bağlayıb. Bu barədə Trend "Northern Power"in məlumatına istinadən xəbər verir.
Bu, "Northern Power" və BTC Co arasında üçüncü müqavilədir və şirkətin bu sistemi boru kəməri boyunca sayca 39-cu olacaq.
Qəza tullantıları sistemi Gürcüstan hökuməti tərəfindən ətraf mühitin mühafizəsi məqsədi ilə yaradılıb, - deyə "Northern Power"in vitse-prezidenti Maykl Brennan (Michael Brennan) bildirib. "Layihələşdirdiyimiz güc sistemi boru kəmərinin bu hissəsində ətraf mühitin yaxşılaşdırılması işində vacib rol oynayacaq", - deyə o qeyd edib.
BTC boru kəmərinin gücü ildə 50 mln. ton neft təşkil edir. Bu boru kəməri ilə Azərbaycanın "Azəri-Çiraq-Günəşli" yataqlarından hasil olunan "Azeri Light" markalı neft nəql olunur.
