Azərbaycan,Bakı/müxbir Trend İ.Xəlilova/İlk dəfə Azərbaycan Dövlət Neft Fondu (ADNF) rüb ərzində onun aktivlərinin idarə olunmasından gələn gəlirlilik göstəricilərini elan edib. Adətən bu cür praktika illik hesablamalarda tətbiq olunur. Bazar ertəsi ADNF-nin icraçı direktoru Şahmar Mövsümovun verdiyi məlumata əsasən, birinci rübün nəticələrinə əsasən bütün valyutalar üzrə orta gəlirlilik 1,49 faiz təşkil edib, bu da keçən ilin anloji göstəricilərini üstələyir. 2006-cı ilin yekunlarına əsasən, gəlirlilik 8,3 faiz təşkil edib.
Neft fondunun aktivləri ilə idarə olunmasında daxil olmalar yanvar-martda 15,4 mln. manat təşkil edib. "2007-ci ildə Dövlət Neft Fondunun vəsailəri ilə idarə olunmasından ciddi gəlirlər gözləyirik, bu da onların yerləşdirilməsinin optimallığından xəbər verir", deyə Ş.Mövsümov bildirib.
Ş.Mövsümov hətta dünyada Amerika valyutasının kursunun aşağı düşməsinə baxmayaraq, Neft Fondunun valyuta portfelinin strukturunun dəyişdirilməsinə ehtiyac görmür. "Biz, portfelin müxtəlif valyutalara diversifikasiyalaşdırılması münasibətində ehtiyatlı siyasət aparırıq, buna görə də onu dəyişdirməyə hazırlaşmırıq", deyə ADNF rəhbəri vurğulayıb.
ADNF-nin vəsaitləri ilə idarəetmə qaydalarına uyğun olaraq valyuta diversifikasiyalaşdırılması aşağıdakı kimi baş verir: 55 faizi dollarla, 35 faizi avro ilə, 5 faizi funt-sterlinqlə və yerdə qalanı (5 faiz) - duyna ölkələrinin valyutaları ilə yerləşdirilib.
