Azərbaycan, Bakı/müxbir Trend S.Əliyev/Norveçin "Statoil" şirkəti hesab edir ki, Azərbaycan bazarı "Şahdəniz" yatağında layihənin inkişafının "Mərhələ-2"dən təbii qazın reallaşdırılması üçün tamamilə maraqlı olacaq.
Çərşənbə günü "Statoil" şirkətinin vitse-prezidenti Byorn Raqnar Yakobsenin Bakıda jurnalistlərə bəyan etdiyi kimi, "Mərhələ-2"dən qaz yalnız Türkiyəyə və digər Avropa ölkələrinə deyil, həmçinin Azərbaycan və Gürcüstana satıla bilər.
"2012-ci ildə biz "Mərhələ-2" çərçivəsində "Şahdəniz" yatağında hasilata başlamaq istərdik", deyə Yakobsen bildirib.
Onun sözlərinə görə, "Statoil" sürətlənmənin və bu mərhələdə qazın böyük istehsalının tərəfdarıdır.
"Lakin qaz hasilatının həcmləri ən çox "Mərhələ-2"nin işlənməsi konsepsiyasından asılıdır. Bu, hələ müzakirə olunur", deyə o bildirib.
Azərbaycan Dövlət Neft Şirkəti həmçinin hesab edir ki, Azərbaycan qaz bazarının mümkün liberallaşdırılması ilə "Şahdəniz" layihəsi üzrə xarici əməkdaşlara satışı üçün onun cəlbediciliyi mümkünlüyü çox yüksəkdir. "Mərhələ-2" çərçivəsində qazı satacaq şirkət hələ yaradılmayıb.
Hazırda "Şahdəniz" layihəsinin "Mərhələ-1"-i reallaşdırılır. "Statoil" isə yataqdan qazın satılması üçün yaradılmış "Azerbaijan Gas Supply Company" şirkətinin operatorudur. "Şahdəniz" yatağından qaz Cənubi Qafqaz qaz kəməri vasitəsilə çatdırılır.