Azərbaycan, Bakı /müx. Trend İ.Xəlilova/ Azərbaycan bölgələrində elektrik enerjisi istehlakı 20 faiz azalıb. Bunu deyən baş nazirin müavini Yaqub Eyyubov azalmanı ilin əvvəlində tariflərin artması ilə əlaqələndirib. "Bu məsələdə həmçinin sayğacların quraşdırılması nəticəsində elektrik enerjisindən istifadənin düzgün hesablanması da böyük rol oynayıb" - deyə o vurğulayıb.
2007-ci ildə ölkənin yanacaq-enerji balansında elektrik enerjisinin istehsalı 25 mlrd. kVt/s təşkil edir. Lakin real olaraq istehlakın 22-23 mlrd. kVt/s bərabər olacağı gözlənilir.
"Azalma elektrik enerjisi istehlakının azalması ilə izah olunur. Biz baha yanacağın elektrik enerjisinin istehlakı üçün istifadəsinə lüzum görmürük" - deyə Eyyubov bildirib.