Azərbaycan, Bakı/ Trend , S.Babayeva/ İlin sonundək Azərbaycanın İT şirkəti Smart Systems Technology yarımdövlət Kapital Bank və onun ölkə regionlarındakı filialları (Sumqayıt, Gəncə, Şəki, Şamaxı, Mingəçevir, Lənkəran, Xaçmaz, Sabirabad, Yevlax, Xırdalan, Dəvəçi, Siyəzən, Qazax, Astara, Quba) arasında məlumatların ötürülməsinin korporativ şəbəkəsi olan "Data transfer" xidmətinin hazırlanmasını başa çatdırmağı planlaşdırıb. Çərşənbə günü şirkətdən verilən xəbərə görə, bankın Quba və Siyəzəndəki filialları üçün, optik şəbəkəyə qoşulan əlaqə xətləri çəkilib. Digər filiallar üzrə işlər aparılır. "On gün müddətində bütün şəbəkəni istismara vermək planlaşdırılır" -şirkətdəki mənbə bildirib. Oracle Korporasiyasının tərəfdaşı olan Smart System Technology 1999-cu ildə yaradılıb və bank və maliyyə fəaliyyətinin kompleks avtomatlaşdırılması, çətin informasiya sistemlərinin hazırlanması, bank və maliyyə sahələrində konsaltinq xidməti, internet-xidmətlərin göstərilməsi, müasir kommunikasiya avadanlıqlarının satışı xidmətləri ilə məşğul olur.
...