Azərbaycan, Bakı, 12 mart /Trend, müxbir H.Vəliyev/
İlin sonunadək Bakı Metropoliteninin bütün stansiyalarında "Azerfon" MMC mobil rabitə operatorunun şəbəkəsindən istifadə mümkün olacaq. Bu barədə şənbə günü Trend-ə "Azerfon" şirkətinin korporativ əlaqələr üzrə meneceri Elşad Fərzəliyev bildirib.
Fərzəliyevin sözlərinə görə, ilkin mərhələdə yeraltı nəqliyyatda 2G şəbəkəsindən istifadə mümkün olacaq.
Bu gün Bakı Metropoliteninin bəzi stansiyalarında "Azerfon" rabitəsindən istifadə mümkündür, o, xarici qurğular vasitəsilə təqdim olunur. Gələcəkdə şirkət əhatə zonasının genişləndirilməsinə və daha yüksəkkeyfiyyətli rabitə xidmətləri göstərməyə imkan verən daxili qurğulardan istifadə etmək fikrindədir.
Yeraltı nəqliyyatı keyfiyyətli rabitə xidmətləri ilə təmin etmək üçün əhəmiyyətli investisiyalar tələb olunur. Yeraltı nəqliyyatda rabitə xidmətlərinin təşkili şirkət üçün maraq kəsb edir, çünki nəqliyyatın bu növündən hər gün çoxlu sayda sərnişin istifadə edir.
