Azərbaycan, Bakı, 21 sentyabr /Trend, müxbir H.Vəliyev/
2013-cü ilin yanvar-avqust ayları ərzində Azərbaycanda "Google Chrome" internet brauzerinin bazarının instalyasiyalarının sayı 14,2 faiz artıb. Trend-in məlumatına görə, bu barədə şənbə günü "Global Stats" Statistik Mərkəzinin yaydığı məlumatda deyilir.
Məlumata görə, ötən ilin müvafiq dövrü ilə müqayisədə Azərbaycanda "Google Chrome" bazarının payı 41,8 faiz artıb. "Google Chrome" brauzeri Azərbaycanda ən populyar brauzerdir və bazarın 58,61 faizini təşkil edir.
8 ayın yekunu üzrə "Opera" brauzerinin instalyasiyalarının sayında xeyli azalma qeydə alınıb. 8 ayın yekunu olaraq "Opera"nın bazar payı 24,17 faiz azalaraq 19,46 faiz təşkil edib ki, bu da 2012-ci ilin analoji göstıricisilə müqayisədə 47,61 faiz azdır.
Hesabat dövründə "Internet Explorer" brauzeri istifadəçilərinin sayı da 22,81 faiz azalıb. "Internet Explorer" bazarının payı 8,63 faiz təşkil edib. 2012-ci ilin analoji dövrünə nisbətən bu brauzerin installyasiyalarının sayı 24,7 faiz azalıb.
Bazarın 6,29 faizini təşkil edən "Mozilla Firefox" brauzerinin payında da 22,54 faiz azalma qeydə alınıb.
Yanvar-avqust aylarında "Yandex" brauzerinə qoşulanların sayında 3 qat artım qeydə alınıb. Bu brauzerin Azərbaycanın internet-brauzer bazarındakı payı 3,31 faizdir.
