Azərbaycan, Bakı, 19 noyabr /Trend, müxbir Hüseyn Vəliyev/
"NBCBank" ASC "AzeriCard" prosessinq mərkəzi ilə birlikdə müştərilərə kredit borclarını bankın rəsmi səhifəsi vasitəsilə onlayn ödəmək imkanı yaradan "cari hesaba mədaxil" xidmətini təqdim edir. Trend xəbər verir ki, bu barədə "AzeriCard"-ın yaydığı məlumatda deyilir.
Yeni xidmətdən istifadə etmək üçün internet vasitəsi ilə www.nbcbank.az "Kreditin onlayn ödənişi" səhifəsinə daxil olub müştərinin İD-sini və doğum tarixini daxil edin. Növbəti səhifələrdə ödəniləcək məbləği, kredit kart məlumatlarını və təhlükəsizlik kodunu qeyd etmək lazımdır. İstifadəçi sorğunun yerinə yetirilməsi barədə məlumatlandırılır.
Cari hesaba vəsaiti köçürəndən sonra hesaba bağlı kredit uzrə borc müəyyən edilib kredit cədvəlinə uyğun silinəcək, kredit borcu avtomatik olaraq cari hesabdan ödəniləcək.
Hazırda "Azericard" şəbəkəsində 1,7 min bankomat, 30 minə yaxın POS-terminal və təxminən 2,5 milyon kart fəaliyyət göstərir.
Bu gün "Azericard"da 30 banka xidmət göstərilir. Azərbaycanda 44 bank çalışır.
