...

"E-hökumət" portalının "Android" üzərindən mobil versiyası istifadəyə verilib

Telekommunikasiya Materials 5 May 2016 20:33
"Elektron hökumət" portalının "Android" üzərindən mobil versiyası istifadəyə verilib.
"E-hökumət" portalının "Android" üzərindən mobil versiyası istifadəyə verilib

Trend-i buradan izləyin

Bakı. Trend:

"Elektron hökumət" portalının "Android" üzərindən mobil versiyası istifadəyə verilib.

Trend Rabitə və Yüksək Texnologiyalar Nazirliyinin Məlumat Hesablama Mərkəzinə istinadən məlumat verir ki, "Android" əməliyyat sistemində çalışan mobil cihaz istifadəçiləri də "Elektron hökumət" portalının mobil versiyasından faydalana biləcəklər. Rabitə və Yüksək Texnologiyalar Nazirliyinin 7, Daxili İşlər Nazirliyinin 1, Ədliyyə Nazirliyinin 1, Səhiyyə Nazirliyinin 3 elektron xidmətini, həmçinin 6 adda arayışı artıq mobil cihazdan əldə etmək mümkündür. Portalın mobil versiyası xüsusi olaraq portativ qurğular üçün optimallaşdırılıb. Bu da tətbiqdən istifadə rahatlığını təmin edir, həmçinin internet trafikə qənaət olunmasına səbəb olur.

"Android" əməliyyat sistemində çalışan mobil cihaz istifadəçiləri ilk vaxtlar "Elektron hökumət" portalı üzərindən təqdim olunan 423 elektron xidmətdən 18-nə öz mobil cihazları vasitəsilə müraciət edə biləcək. Mobil əlavəyə giriş e-imza kartı, istifadəçi adı/şifrə, mobil İD vasitəsilə mümkündür.

Həmçinin "Elektron hökumət" portalının mobil əlavəsi vasitəsilə vətəndaşlar kommunal, ipoteka, Dövlət Yol Polisi tərəfindən tətbiq olunan cərimələr barədə real vaxt rejimində xəbər tuta biləcəklər. Tətbiqin "istifadəçi məlumatları", "favorit elektron xidmətlər" və "son yeniliklər" kimi funksionallıqları var.

Mobil tətbiq vasitəsilə aidiyyəti suallarla bağlı "157 Zəng Mərkəzi"nə müraciət etmək olar.

Artıq bir çox xidmətlər "Elektron hökumət" portalının mobil əlavəsi vasitəsilə vətəndaşlara daha rahat və yaxındır.

Sözügedən tətbiqi "Play Store"da "Elektron hökumət" portalı" yazıb axtarış etməklə mobil qurğuya yükləmək mümkündür.

Məqalədə:
Xəbər lenti

Xəbər lenti