Azərbaycan,Bakı/müxbir Trend S.Babayeva/Quba, Xaçmaz, Astara və Qazaxın 38 yaşayış məntəqəsi peyk rabitəsi vasitəsilə telefonlaşdırılıb. Bu barədə Azərbaycanın Rabitə və İnformasiya Texnologiyaları Nazirliyinin mətbuat xidmətindən məlumat verilib. Bu məntəqələrdə telefon xətlərinin çəkilməsi üçün fiziki imkanlar yoxdur.
Avadanlıq Delta Telecom şirkəti tərəfindən təqdim olunub. Ümumilikdə telefonla 156 ailə təmin olunub.
Eyni zamanda CDMA simsiz şəbəkəsi vasitəsilə Şamaxının 12 yaşayış məntəqəsi davamlı telefon rabitəsi ilə təmin olunub. İşlər Aztelekom İB tərəfindən aparılıb.
Bu ilin birinci rübünün göstəricilərinə əsasən, İB-nin xidmətlərinin əhatə olunduğu regionlarda hər 100 nəfərə telefonların sayı 10,5 (+0,2), hər 100 ailəyə isə 50,3 (+0,8) təşkil edib.