Azərbaycan, Bakı, 4 dekabr /Trend, müxbir T.Cəfərov/
İranda cari ilin ilk 7 ay ərzində (İranda il martın 21-də dəyişir) 1627 nəfər narkotik istifadəçisi dünyasını dəyişib. Bunu İranın Narkotik Maddələrlə Mübarizə Təşkilatının sədr müavini Babək Dinpərəst deyib. Trend-in məlumatına görə, bu barədə İRNA agentliyi xəbər verir.
Onun sözlərinə görə, ölənlərin 1511 nəfəri kişi, 116 nəfəri isə qadındır: "Ötən ilin eyni dövrü ilə müqayisədə narkotik maddə istifadəçilərinin ölüm halları 7 faiz azalıb. İsfahan və Tehran əyalətlərində narkotik istifadəçilərinin ölüm halları daha çoxdur".