Azərbaycan, Bakı, 2 fevral /Trend, müxbir Məftun Salmanov/
Misir məhkəməsi "Müsəlman qardaşlar" hərəkatının 183 tərəfdarını ölüm cəzasına məhkum edib.
Trend-in bazar ertəsi xarici KİV-ə istinadən verdiyi məlumata əsasən, onlar 2013-cü ilin avqustunda polis zabitlərinin öldürülməsində iştirakda təqsirləndirilirlər. Onlardan 34-nə qiyabi cəza təyin edilib.
Həmin hadisələr zamanı hüquq-mühafizə orqanlarının 16 əməkdaşı öldürülmüşdü. İğtişaşlar nəticəsində hərbi çevriliş baş vermiş və Məhəmməd Mursi hakimiyyətdən kənarlaşdırılmışdı.
Qeyd edək ki, 2014-cü ilin dekabrında bu iş üzrə 188 islamçıya qarşı ilkin olaraq ölüm hökmü çıxarılmışdı.