Azərbaycan, Bakı, 16 mart /Trend/
Kazanda "Admiral" ticarət mərkəzində baş vermiş yanğınla bağlı həbs edilən var.
Trend-in "İnterfaks" agentliyinə istinadən verdiyi məlumata görə, məhkəmə "İnvestisiya tikinti şirkəti" ASC və "İdarəetmə şirkəti" QSC-nin baş direktoru Robert Hayrullinin həbs edilməsi ilə bağlı qərar verib.
Onun həbsdə saxlanılma müddəti mayın 14-dək müəyyən edilib.
Qeyd edək ki, yanğınla bağlı ötən həftə ilk həbs edilən şəxs "Zarya" MMC-nin direktoru Hüseyn Qəhrəmanov olub.
Xatırladaq ki, martın 13-də Tatarıstanın paytaxtı Kazan şəhərində ticarət mərkəzlərindən birində baş vermiş yanğın nəticəsində 17 nəfərin öldüyü bildirilir, onlarla insan xəsarət alıb.
Ümumrusiya Azərbaycanlıları Konqresinin Tatarıstan nümayəndəliyindən isə daha öncə Trend-ə bildiriblər ki, yanğın zamanı iki azərbaycanlı ölüb, ikisi isə yaralanıb.