Bakı. Rufiz Hafizoğlu - Trend:
Türkiyənin dini işlər üzrə idarəsində Fəthullah Gülənin 100-dən artıq tərəfdarı işdən uzaqlaşdırılıb.
Trend-in məlumatına görə, bu barədə Türkiyənin "Hurriyet" qəzeti xəbər verib.
Daha öncə həmin idarədə təxminən 150 əməkdaş eyni səbəbdən işdən azad edilmişdi.
Qeyd edək ki, Türkiyədə iyulun 15-dən 16-na keçən gecə dövlət çevrilişinə cəhd edilib. Hadisədə 246 nəfər ölüb, 2000-dən çox insan xəsarət alıb.