Bakı. Trend:
Nikaraqunın paytaxtı Manaquada yerləşən Milli Muxtar Universitetin ərazisində yerli hökümətə qarşı keçirilən etiraz askiyasının iştirakçısı olan 2 tələbə öldürülüb.
Trend-in məlumatına görə, tələbələri Nikaraqua hekimiyyətinin silahlı tərəfdaşları öldürüblər.
Tələbələr universitetin ərazisində etirazçıların qarşısını almaq üçün barikadlar qurulan zonada olublar. Onlar başlarından odlu silahdan vurulublar.
Qeyd edək ki, Nikaraquada etiraz aksiyaları aprelin 18-dən hakimiyyətin təklif etdiyi islahatlar fonunda başlayıb. Ölkə prezidenti Daniel Orteqo sözügedən islahatı ləğv etsədə etiraz aksiyaları davam edib. Etiraz aksiyaları zamanı 351 nəfər həlak olub.