Bakı. Trend:
Türkiyə prezidenti Rəcəb Tayyib Ərdoğan Böyük Britaniyanın Baş naziri Boris Conson ilə telefon danışığı aparıb.
Trend-in məlumatına görə, bu barədə Türkiyə prezidenti administrasiyasının ictimaiyyətlə əlaqədar İdarəsinidən bildiriblər.
Məlumata əsasən, danışıq zamanı Türkiyə ilə Böyük Britaniya arasında ilk növbədə müdafiə sənayesi və ticarət sahəsində ikitərəfli əməkdaşlığın gücləndirilməsinə imkan yaradacaq addımlar müzakirə edilib.
Tərəflər, həmçinin Suriya, Ukraynada baş verən hadisələrə, iqlim və qaçqın böhranı kimi regional, qlobal məsələlərə toxunublar.