Bakı. Trend:
Gürcüstanda parlamentin müxalifəti hakim prtiyaya faşizm üzərində Qələbə Gününün mayın 8-də keçirilməsi təklif edib.
Trend Gürcüstan KİV-lərinə istinadən xəbər verir ki, deputatlar Teona Akubardiya, Armaz Axvlediani, Hatuna Samnidze, Georgi Vaşadze, Tariel Nakaidze və Paata Mancaqaladze Əəmək Məcəlləsinə dəyişikliklər hazırlayıblar.
Dəyişikliklərə əsasən, mayın 8-i qeyri-iş günü olmalıdır.
"Formalaşmış sovet ənənəsilə Rusiya və postsovet ölkələri, o cümlədən Gürcüstan SSRİ-nin dağılmasından sonra Qələbə Gününü mayın 9-u qeyd edir. Böyük Britaniya, ABŞ və Avropa (Fransa, Almaniya, Çexiya və s.), Baltikyanı ölkələr və Ukrayna Qələbə Gününü mayın 8- qeyd edir", - deyə deputatlar bildirib.
Qeyd edilir ki, Əmək Məcəlləsinə dəyişiklik layihəsi aprelin 18-də keçiriləcək iclasda təqdim olunacaq.