Bakı. Trend:
İraqın şimalındakı Süleyamaniyyə əyalətində vəbaya yoluxma aşkar edilib.
Trend-in məlumatına görə, bu barədə ölkənin Səhiyyə Nazirliyi bildirib.
Qeyd olunur ki, xəstəlik azı 13 nəfərdə aşkarlanıb. Bundan başqa, xəstəliyin simptomlarını daşıyan daha çox xəstənin olduğu deyilir.
İraqda sonuncu dəfə 2015-ci ildə vəba infeksiyası yayılmışdı. O zaman təmiz içməli su çatışmazlığı ilə əlaqədar 2 mindən çox şəxs vəbaya yoluxmuşdu.
2007-ci ildə isə ölkədə 7 mindən çox yoluxma qeydə alınmış, 10 nəfər vəfat etmişdi.