Bakı. Trend:
Ermənistan baş naziri Nikol Paşinyan və Almaniya Kansleri Olaf Şolts arasında telefon danışığı olub.
Trend xəbər verir ki, bu barədə Ermənistan baş nazirinin mətbuat xidməti məlumat yayıb.
Tərəflər Ermənistan-Azərbaycan sərhədindəki gərginliyi müzakirə ediblər.
Kansler Şolts regionda sülh və sabitliyin bərqərar olmasına yönəlmiş səyləri dəstəkləməyə hazır olduğunu qeyd edib.
Qeyd edək ki, sentyabrın 9-da Ermənistanın baş naziri Nikol Paşinyanın Fransa Prezidenti Emmanuel Makronla da telefon danışığı baş tutub.