Bakı. Trend:
ABŞ Aralıq dənizinin şərqinə ikinci təyyarədaşıyan gəmi göndərib.
Trend-in məlumatına görə, bu barədə ölkənin müdafiə naziri Lloyd Ostin bildirib.
O, bu qərarı İsrailə qarşı aqressiv hərəkətlərin qarşısını almaq və HƏMAS-ın İsrail ərazisinə hücumundan sonra daha böyük müharibəni qızışdırmaq cəhdləri ilə izah edib.
“ABŞ-ın hərbi mövcudluğunun bu şəkildə genişləndirilməsi bizim İsrailin təhlükəsizliyini təmin etmək üçün güclü öhdəliyimizi və dövlətlərin və ya qrupların bu müharibəni qızışdırmaq cəhdlərinin qarşısını almaq istəyimizi nümayiş etdirir”, - deyə nazir qeyd edib.
Qeyd edək ki, bu həftənin əvvəlində “Gerald R. Ford” təyyarədaşıyan gəmisi Aralıq dənizinin şərqinə gəlib.