Bakı. Trend:
Bosniya və Herseqovinanın mərkəzi hissələrində yerləşən Zenitsa şəhəri yaxınlığında 5,2 bal gücündə zəlzələ baş verib.
Trend xəbər verir ki, Avropa Aralıq dənizi Seysmoloji Mərkəzinin paylaşdığı məlumatlara görə, zəlzələnin episentri Zenitsa şəhərindən 10 kilometr şimal-qərbdə olub.
Zəlzələ paytaxt Sarayevo başda olmaqla ölkənin bir çox şəhərlərində hiss olunub.
Dağıntı və insan tələfatı olmadığı bildirilir.