Bakı. Trend:
Türkiyənin xarici işlər naziri Hakan Fidanla ABŞ-nin dövlət katibi Antoni Blinken arasında görüş başa çatıb.
Trend xəbər verir ki, bu barədə Türkiyə Xarici İşlər Nazirliyindən (XİN) bildirilib.
Tərəflərin birgə mətbuat konfransı keçirəcəkləri gözlənilir.
xxx
14:00
ABŞ-nin dövlət katibi Antoni Blinken və Türkiyənin xarici işlər naziri Hakan Fidan İstanbulda görüşüb.
Trend xəbər verir ki, bu barədə Türkiyə KİV-i məlumat yayıb.
Məlumata görə, görüş KİV üçün qapalı şəraitdə keçirilib.
Qeyd edək ki, Antoni Blinken yanvarın 5-də Türkiyəyə səfər edib. Yanvarın 6-da onun Türkiyə prezidenti Rəcəb Tayyib Ərdoğanla danışıqlar aparacağı gözlənilir.
Diplomatik mənbələrin məlumatına görə, danışıqlarda Qəzza zolağındakı vəziyyət, İsveçin NATO-ya üzvlük məsələsi, ABŞ tərəfindən Ankaraya "F-16" qırıcılarının satışı, Türkiyə-Yunanıstan münasibətlərinin normallaşması, Türkiyə-ABŞ əlaqələri, eləcə də Ərdoğanın ABŞ-yə gözlənilən səfəri müzakirə olunacaq.