Bakı.Trend:
İrəvanda yerli sakinlər artıq 13-cü gündür ki, gediş haqqının qaldırılmasına etiraz olaraq ictimai nəqliyyatı boykot edir.
Trend bu barədə Ermənistan KİV-ə istinadən xəbər verir.
Məlumata görə, etiraz kampaniyasına rəğmən, bəzi sakinlər gediş haqqını yeni təyin olunmuş məbləğdə ödəməklə ictimai nəqliyyatdan istifadə edir.
Qeyd edək ki, fevralın 1-dən etibarən Ermənistanın paytaxtında ictimai nəqliyyatda gediş haqqı 100 dramdan 150 drama qaldırılıb. Buna etiraz edən Ermənistan müxalif qüvvələri vətəndaşları boykot aksiyasına – avtobuslardan istifadə edən zaman ödəniş haqqını köhnə qiymətlərlə ödəməyə çağırır.