Bakı. Trend:
NATO sammiti ərəfəsində rəsmi Paris və Kiyev Ukraynaya əlavə “Mirage 2000-5F” qırıcılarının göndərilməsini və dron zərərsizləşdirmə texnologiyalarının birgə istehsalını müzakirə ediblər.
Trend xəbər verir ki, bu barədə xarici KİV-lər məlumat yayıb.
Məlumata görə, “Mirage 2000” qırıcıları Ukraynaya çatdırıldıqdan sonra onlardan Rusiyanın qanadlı raketlərinin və PUA-larının zərərsizləşdirilməsində istifadə olunub.
“Mirage 2000-5F” qırıcılarının dəqiq sayı açıqlanmasa da, Parisin Kiyevə 12-dən 20-yə qədər belə qırıcı verdiyi ehtimal edilir.
“Fransa prezidenti Emmanuel Makron və Ukrayna prezidenti Volodimir Zelenski arasında aparılmış son müzakirələrdən sonra bu sayın artırıla biləcəyi gözlənilir”, – məlumatda qeyd olunur.