Bakı.Trend:
ABŞ prezidenti Donald Tramp onun əvvəl verdiyi göstərişə uyğun olaraq, ABŞ Hərbi Dəniz Qüvvələrinə məxsus iki atom sualtı qayığının Rusiyaya yaxın müəyyən bir əraziyə dislokasiya olunduğunu təsdiqləyib.
Trend bu barədə xarici KİV-ə istinadən xəbər verir.
“Mən artıq bəyanat vermişəm və cavab belədir: bəli, onlar həmin regionda, olmalı olduqları yerdədirlər”, – deyə Tramp Vaşinqtonda jurnalistlərin sualına cavab olaraq bildirib.
ABŞ prezidenti şənbə günü bəyan etmişdi ki, ABŞ-yə məxsus iki atom sualtı qayığı Rusiyaya doğru hərəkət edir.
“Onlar Rusiyaya daha yaxındır. Bəli, onlar Rusiyaya daha yaxındır”,- deyə Tramp "Newsmax"a müsahibəsində sualtı qayıqların Rusiya bölgələrinə yaxınlaşıb-yaxınlaşmadığı sualını cavablandırarkən deyib.