Bakı. Trend:
Kiyevdə Avropa Parlamentinin daimi nümayəndəliyi açılacaq.
Trend ölkənin yerli KİV-lərinə istinadən xəbər verir ki, bu barədə Avropa Parlamentinin sədri Roberta Metsola açıqlama verib.
“Biz hər gün Ukraynada olmaq, bərabər işləmək məqsədilə Avropa Parlamentinin daimi nümayəndəliyini burada, Kiyevdə açırıq”, - Metsola Ukrayna Ali Radasının iclasında deyib.
Qeyd edək ki, sentybarın 17-də Avropa Parlamentinin sədri Metsola Kiyevə rəsmi səfər edib. Avropa Parlamentinin sədri Ukraynanın Avropa İttifaqına üzvlüyünü dəstəkləyən siyasətçilərdəndir və artıq bir neçə ildir ki, bununla bağlı çıxışlar edir.