Bakı. Trend:
ABŞ-nin Venesuelaya hərbi müdaxiləsi nəticəsində 100 nəfər həyatını itirib və bir o qədər də yaralı var.
Trend xarici KİV-ə istinadən xəbər verir ki, bu barədə Venesuela daxili işlər naziri Diosdado Kabello açıqlama verib.
Onun sözlərinə görə, yaralılar arasında qadınlar da var.
“Ölkəmizə qarşı hücum dəhşətli idi - bu doğrudur, bu bir faktdır və bunu heç kim gizlədə bilməz. İndiyədək 100 nəfər ölüb və bir o qədər də yaralı var. Venesuela xalqı nəcib və cəsur bir xalqdır.”
ABŞ-nin son dərəcə güclü bombalarından istifadə etməsi nəticəsində mülki şəxslərin də həyatını itirdiyini bildirən Kabello, basqın zamanı dövlət başçısı Nikolas Maduronun həyat yoldaşının başından, Maduronun isə ayağından yaralandığını qeyd edib.