Bakı. Trend:
Venesuelanın sabiq xarici işlər naziri Feliks Plasensiya ölkənin ABŞ-dəki yeni diplomatik nümayəndəsi təyin edilib və tezliklə təyinat aldığı ölkəyə yollanacaq.
Trend xarici KİV-ə istinadən xəbər verir ki, bu barədə Venesuelanın XİN rəhbəri İvan Pinton öz rəsmi “Telegram” səhifəsində məlumat paylaşıb.
“Yaxın zamanda Plasensiya və onun komandası ABŞ-yə gedəcək. Onların əsas vəzifəsi enerji, siyasi və iqtisadi sahələrdə konstruktiv əməkdaşlığın möhkəmləndirilməsi və ikitərəfli münasibətlərin inkişafı olacaq”,-deyə nazir yazıb.
O həmçinin ABŞ-nin diplomatik nümayəndəsi Laura Doqunun artıq Venesuelaya gəldiyini və onu Venesuelanın müvəqqəti prezidenti Delsi Rodriges tərəfindən qəbul olunduğunu xatırladıb.