Bakı. Trend:
ABŞ Prezidentinin Xüsusi Elçisi Stiven Uitkoff İsveçrəyə səfər edib.
Trend bu barədə xarici KİV-ə istinadən xəbər verir.
Cenevrədə o ABŞ nümayəndə heyətinin sədri olaraq nüvə böhranının nizamlanması ilə bağlı İran-ABŞ danışıqlar prosesinin üçüncü raundunda iştirak edəcək.
İrandan olan nümayəndə heyətinə isə ölkənin XİN rəhbəri Abbas Əraqçinin başçılıq edəcəyi gözlənilir.
Qeyd edək ki, Uitkoff ötən həftə də İsveçrəyə səfər etmişdi. Həmin vaxt o ABŞ-ni Ukrayna münaqişəsinin nizamlanması ilə bağlı üçtərəfli danışıqlarda (ABŞ, Ukrayna, Rusiya) təmsil edirdi.