Bakı. Trend:
Venesuelada zəlzələ nəticəsində həlak olanların sayı 6125 nəfərə çatıb.
Bu barədə ölkə parlamentinin sədri Xorxe Rodriges "X" sosial şəbəkə hesabında məlumat yayıb.
Bildirilib ki, axtarış-xilasetmə əməliyyatları zamanı 6462 nəfər xilas edilib. Bundan başqa, 60 992 nəfərə tibb müəssisələrində yardım göstərilib. 43 679 yaşayış evinə baxış keçirilib, 41 624 ev xəsarət alıb, bunlardan 25 325 ev yaşayış üçün yararlı, 9866 ev məhdud şəkildə yararlı, 6433 ev isə yüksək riskli yaşayış evidir. 346 755 ton (16,51%) tikinti tullantıları daşınıb.
Xatırladaq ki, iyunun 24-də Venesuelada təxminən 40 saniyə fərqlə 7,2 və 7,5 maqnitudalı iki güclü zəlzələ qeydə alınıb. Təkanların episentrləri Yarakuy ştatında bir-birindən 10 kilometr məsafədə yerləşib. Zəlzələdən sonra ötən günlər ərzində 1 000-dən çox afterşok qeydə alınıb.
