Bakı.Trend:
Pakistanın cənub-qərbində yerləşən Bəlucistan əyalətinin Harnay şəhərində kömür mədənində qaz partlayışı nəticəsində azı dörd şaxtaçı həlak olub, beş nəfər yaralanıb.
Bu barədə “The Nation” qəzeti məlumat yayıb.
Məlumata görə, partlayışdan sonra yerin altında beş şaxtaçı bloklanıb. Onlar Pakistan hərbçiləri tərəfindən xilas ediliblər.
Yaralılar Kvetta şəhərindəki xəstəxanalara çatdırılıb.
Qəza ilə bağlı araşdırma aparılır.
