Qazaxıstan prezidenti Nursultan Nazarbayev "Qazaxıstan-ABŞ iqtisadi inkişaf proqramı üzrə Qazaxıstan və ABŞ hökumətləri arasında qarşılışlı anlayış haqqında memorandumun təsdiqlənməsi haqqında" qanun imzalayıb.
Əvvəllər qeyd olunduğu kimi, Qazaxıstanla ABŞ arasında iqtisadi inkişaf üzrə proqramın gerçəkləşdirilməsi haqqında razılıq prezident Nursultan Nazarbayevin ABŞ-a 2001-ci ilin dekabrında etdiyi səfər zamanı əldə olunub.
Trend agentliyinin "Kazakhstan Today"ya istinadən yaydığı məlumata əsasən, proqramın ümumi büdcəsi $40 mln. təşkil edir və 4 il müddətinə hesablanıb. Proqram Qazaxıstan və ABŞ hökumətləri tərəfindən birgə maliyyələşdiriləcək. ABŞ-ın payı $24,5 mln., Qazaxıstanın payı isə - $15,5 mln. olacaq.
Qarşılıqlı anlayış haqqında memorandum 2006-cı ilin mayın 5-də Astanada imzalanacaq.