Bakı. Səba Ağayeva - Trend:
Macarıstan Azərbaycan biznesinə Avropa bazarlarına çıxa bilməsi üçün kömək edə bilər. Bunu Trend-ə müsahibəsində Macarıstanın Azərbaycandakı səfiri İmre Laslotski deyib.
O, Avropada Azərbaycan müəssisələrinin açılması və investisiya imkanları, eləcə də Azərbaycan məhsullarının satışı üçün bazarın ola biləcəyindən danışıb.
Səfir iqtisadi əməkdaşlığın əsas istiqamətlərinin bu ilin əvvəlində iki ölkə rəsmilərinin gürüşü zamanı müəyyənləşdirildiyini qeyd edib:
“İqtisadi əməkdaşlığın əsas istiqamətləri və ən perspektivli sahələr bu ilin martında Macarıstan Baş naziri Viktor Orbanın Azərbaycana səfəri zamanı müəyyənləşdirilmişdi. Bunlar infrastrukturun inkişafı, kənd təsərrüfatı, energetika, informasiya kommunikasiya texnologiya sektoru, su təsərrüfatı sahəsində əməkdaşlıqdır”.
Macarıstan səfiri ölkəsinin Cənubi Qafqaz regionunda ən böyük ticarət dövriyyəsinin Azərbaycanla olduğunu bildirib.