Azərbaycan, Bakı, 9 iyun /Trend/
İtaliya mətbuatı "Bakı-2015" ilk Avropa Oyunlarına böyük diqqət ayırır.
Trend-in məlumatına görə, italianinsider.it portalında Azərbaycan paytaxtı Bakı şəhərinin ev sahibliyi ilə keçiriləcək ilk Avropa Oyunları ilə bağlı məqalə dərc edilib.
Məqalədə qeyd olunur ki, Bakı 20 idman növü üzrə 6000-dən artıq atleti salamlamağa hazırlaşır. Avropa Olimpiya Komitələri ilk qitə Oyunlarını keçirməklə idman dəyərlərinin nüfuzunu artırmaq niyyətindədir. Bununla yanaşı, idmançılar Rio Yay Olimpiya Oyunlarına da təsnifat imkanları əldə edə biləcəklər.