Azərbaycan, Bakı, 9 sentyabr /Trend, müxbir Ş.Cavadsoy/
Azərbaycanın tanınmış xanım prodüseri, "Kristal" qrupunun rəhbəri Mədinə Məlikin nişanlanması barədə bir müddət əvvəl oxucularımıza məlumat vemişdik. Bu yaxınlarda isə Trend-in fotokamerası sevgilərini birləşdirən cütlüyü təşkil olunan məclislərin birində yaxaladı.
Şəxsi həyatında baş verən müsbət dəyişiklikdən qürurla danışan prodüser, nişanlısını dostları ilə tanış edirdi. Deyəsən, bu xoş xəbərdən ən çox sevinən əməkdar artst Mətanət İsgəndərli idi. İllərdən bəri rəfiqəlik etdiyi prodüser xanıma xoşbəxtlik arzulayan İsgəndərli, toy edəcəkləri halda məclisi şəxsən idarə edəcəyinə də söz verdi.
Çəkiliş apardığımızı görən "Kristal" rəhbəri Trend vasitəsilə onu təbrik edən bütün dostlarına belə səsləndi. "Nişanlım Samir artıq hər yerdə mənimlə göründüyü üçün elə məclis tapılmaz ki, sənətçi dostlarım tərəfindən təbriklər almayım. Xoşbəxtlik arzulayanlara sevincimdən pay arzulayıram. Çox sağ olsunlar. O ki qaldı toyumuza, deyim ki, artıq bu barədə ciddi qərara gəlmişik. İnşallah, 2012-ci ilin fevral ayında nikah bağlamağı düşünürük. Həmin günə kifayət qədər vaxt qaldığından, indidən toyun detalları barədə danışmaq istəməzdim", - Mədinə xanım belə dedi.
Foto: Şahin Cavadsoy
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
