Bakı. İlhamə İsabalayeva - Trend:
Azərbaycan hökuməti ilə YUNESKO arasında müqavilə imzalanıb.
Mədəniyyət Nazirliyindən Trend-ə verilən məlumata görə, müqavilə 30 iyun-10 iyul tarixində Ümumdünya İrs Komitəsinin 43-cü sessiyasının Bakıda təşkil edilməsi ilə bağlıdır.
Sənəd mədəniyyət naziri Əbülfəs Qarayevin YUNESKO-da görüşləri çərçivəsində imzalanıb.
Müqaviləni Azərbaycan Hökuməti tərəfdən nazir Ə.Qarayev, YUNESKO tərəfdən isə baş direktorun müavini Ernesto Ottone Ramirez imzalayıb.
Sənəddə tədbirin təşkili ilə bağlı həm Azərbaycanın, həm də YUNESKO-nun vəzifə öhdəlikləri əks olunub. Bununla yanaşı, müqavilədə Komitədən əvvəl keçiriləcək Gənc Peşəkarlar Forumu və Abidə Menecerlərinin Forumunun təşkili ilə bağlı məsələlər gostərilmişdir.