Bakı. Trend:
Bakı-Quba yolunun Siyəzən rayonu ərazisində baş vermiş yol qəzası nəticəsində xəsarət alan bir nəfər xəstəxanaya yerləşdirilib.
Trend-in məlumatına görə, Quba rayon sakini olan 1992-ci il təvəllüdlü Atayev Elçin Arif oğlu bədənin müxtəlif hissələrinin əziyi və sınıq xəsarətləri alıb. Yaralı Siyəzən rayon Mərkəzi Xəstəxanasına yerləşdirilib, vəziyyəti kafi qiymətləndirilir.
Xatırladaq ki, Bakı-Quba yolunun 98-ci km-də (Sizyəzən rayonu ərazisindən keçən hissəsində) ağır yol-nəqliyyat hadisəsi baş verib. Mersedes Vita markalı avtomobillə TIR toqquşub. Hadisə nəticəsində "Mercedes-Vita" markalı avtomobilin sürücüsü də daxil olmaqla 6 nəfər ölüb, 1 nəfər isə xəsarət alıb.