Bakı. Trend:
"Microsoft"-un "Windows 7" və "Windows 8" əməliyyat sistemi 2020-ci ilin yanvarında dayandırılmışdı. O vaxtdan bəri əməliyyat sistemləri yalnız təhlükəsizlik yeniləmələrini alırdı.
Trend-in məlumatına görə, gələn həftədən etibarən bu əməliyyat sistemləri çalışan kompüterlər təhlükəsizlik yenilənmələri də almayacaqlar.
"Microsoft" 2020-ci ildə "Windows 7" üçün dəstəyi kəsəcəyini bildirsə də, istifadəçilər bu əməliyyat sistemindən istifadə etməyə davam edirlər.
"Lansweeper"-in oktyabr ayında keçirdiyi sorğuda "Windows 7, 8" və ya "XP" əməliyyat sistemlərindən istifadə edən kompüterlərin sayı "Windows 11"-dən istifadə edənlərdən daha çox olub.
"Windows 7" istifadəçiləri 2020-ci ildə təhlükəsizlik yeniləmələri ilə əslində qismən vidalaşdılar. Bununla belə, "Microsoft" ödəniş qarşılığında təhlükəsizlik yeniləmələrini buraxmağa davam etdi.