Bakı. Trend:
Ərəb Dövlətləri Liqası (ƏDL) Suriyanın birliyinə, suverenliyinə və ərazi bütövlüyünə hörmət edilməsinin vacibliyini bəyan edib.
Trend-in məlumatına görə, bu barədə "Al Mayadeen" televiziya kanalı xəbər verib.
Məlumata əsasən, “Cəbhət ən-Nusra” ekstremist qruplaşması Suriyanın şimalında irimiqyaslı əməliyyatlar həyata keçirib.
"Biz Suriyadakı hadisələri böyük narahatlıqla izləyirik və Suriyanın birliyinə, suverenliyinə və ərazi bütövlüyünə hörmət edilməsinin vacibliyini vurğulayırıq", - deyə qeyd olunub.
"Suriyadakı hadisələr terror qruplarının öz fəaliyyətlərini bərpa etmək üçün istifadə edəcəkləri xaos da daxil olmaqla bir çox mümkün ssenarilər açır", - deyə bildirilib.